EPISTULA LEONINA
CXXVII
HEBDOMADALE
PERIODICUM LATINĒ SCRIPTUM,
QUOD ĒDITUR
E DOMO EDITORIĀ INTERRETIALI
CUI NOMEN EST
LEO LATINUS
ARGUMENTA
1. MOMO FABULA MICHAELIS ENDE LATINE REDDITA (IV)………………04-11
2. VOCABULA ARTIUM ET ARCHITECTURAE (II)..…………………………...12-16
LEO LATINUS OMNIBUS HOMINIBUS LATINITATEM AMANTIBUS
SAL.PLUR.DIC. S.V.B.E.E.V.
Cara Lectrix, Care Lector,
maximê gaudeo, quod mihi licet Tibi offerre Epistulam Leoninam
centesimam vicesimam septimam.
Hac in Epistulâ duas Tibi textûs praebeo novos legendos, unum
fabulosum, alterum lexicographicum. Unus enim est pars quarta fabulae
Momonis a me tunicâ indutae. Alter textus est index vocabulorum, quae
spectant ad artes et architecturam. Subest ingens inceptum lexici
neolatini condendi. Utinam ne hoc perficiatur Kalendis Graecis. Candida
Lectrix, Candide Lector, fave operi omnibus amicis Latinitatis Vivae
gratissimo.
Quae cum ita sint, hanc Epistulam Leoninam 127 tolle et lege et laetare
et … pancraticê vale et perge mihi favere!
Medullitus Te salutat
Nicolaus Groß
Epistula 127 in PDF :